எம்ஜிஆர் பிறந்த நாளை முன்னிட்டு முன்னாள் அமைச்சர் பண்ணாரி அம்மன் கோவிலில் தங்கத்தேர் இழுத்து சிறப்பு வழிபாடு.

எம்ஜிஆர் பிறந்த நாளை முன்னிட்டு முன்னாள் அமைச்சர் கே.ஏ. செங்கோட்டையன் தலைமையில் பண்ணாரி அம்மன் கோவிலில் தங்கத்தேர் இழுத்து சிறப்பு வழிபாடு.

முன்னாள் முதல்வர் எம்ஜிஆரின் 106 வது பிறந்த நாளை முன்னிட்டு அதிமுக சார்பில் ஈரோடு மாவட்டம் சத்தியமங்கலத்தில் உள்ள பிரசித்தி பெற்ற பண்ணாரி அம்மன் கோவிலில் சிறப்பு பூஜைகள் மற்றும் தங்கத் தேர் இழுத்து வழிபாடு நடைபெற்றது. முன்னாள்  அமைச்சரும், ஈரோடு புறநகர் மேற்கு மாவட்ட செயலாளருமான கே ஏ செங்கோட்டையன் தலைமையில் பண்ணாரி அம்மனுக்கு சிறப்பு பூஜை செய்யப்பட்டது. 

இதை தொடர்ந்து முன்னாள் அமைச்சர் செங்கோட்டையன், பவானிசாகர் தொகுதி எம்எல்ஏ பண்ணாரி மற்றும் அதிமுக நிர்வாகிகள் தங்கத் தேரை இழுத்தபடி கோவிலை வலம் வந்தனர். இதைத் தொடர்ந்து கோவில் பணியாளர்களுக்கு அதிமுக சார்பில் நலத்திட்ட உதவிகளை கே ஏ செங்கோட்டையன் வழங்கினார்.  கோவிலுக்கு வந்த பக்தர்களுக்கு அதிமுக சார்பில் அன்னதானம் வழங்கப்பட்டது. 

இந்த நிகழ்ச்சியில் பண்ணாரி கோயில் பரம்பரைஅறங்காவலர் ராஜாமணி தங்கவேல்பவானிசாகர் எம்எல்ஏ பண்ணாரி,  சத்தியமங்கலம் வடக்கு ஒன்றிய செயலாளர் சி.என். மாரப்பன், சத்தியமங்கலம் தெற்கு ஒன்றிய செயலாளர் என்.என்.சிவராஜ், சத்தியமங்கலம் கிழக்கு ஒன்றிய செயலாளர் என். எம். எஸ்.நாச்சிமுத்து, சத்தியமங்கலம் நகர செயலாளரும், முன்னாள் சத்தி நகராட்சி தலைவர் ஓ.எம்.சுப்பிரமணியம்,  பவானிசாகர் தெற்கு வி.ஏ. பழனிச்சாமி, பவானிசாகர் வடக்கு டி.எஸ். பழனிச்சாமி, மாவட்ட ஊராட்சி குழு உறுப்பினர் பிரபாகரன், மாவட்ட மகளிர் அணி தலைவர் ஏ.டி.சரஸ்வதி, மாவட்ட மகளிர் அணி துணை செயலாளர் வி.பி.தமிழ்செல்வி, அரியப்பம்பாளையம் பேரூர் கழக செயலாளர் பி.என்.தேவமுத்து, கெம்ப் நாயக்கன் பாளையம் பேரூர் கழக செயலாளர் எஸ்.கே.நடராஜன், சிக்கரசம்பாளையம் ஊராட்சி மன்ற தலைவர் ஆர் சுப்பிரமணியம், கொமராபாளையம் ஊராட்சி மன்ற தலைவர் எஸ்.எம்.சரவணன் உள்ளிட்ட 500க்கும் மேற்பட்ட அதிமுக நிர்வாகிகள் மற்றும் தொண்டர்கள் கலந்து கொண்டனர். 

- தமிழக குரல் இணைய தளம் செய்திகளுக்காக ஈரோடு மாவட்ட ஒளிப்பதிவாளர் சத்தியமங்கலம் சிவன் மூர்த்தி.