ஈரோடு வீரப்பன் சத்திரம், பாரதி வீதியை சேர்ந்தவர் ஸ்ரீதர் (46). இவரது மனைவி சவிதா (37). இவர்களது மூத்த மகன் யஷ்வந்த் (13). இவர், இடையங்காட்டுவலசில் உள்ள மாநகராட்சி உயர்நிலைப் பள்ளியில் 8-ம் வகுப்பு படித்து வந்தார். நேற்று (செப் 27) காலையில் வழக்கம் போல பள்ளிக்குச் சென்று பரீட்சை எழுதிவிட்டு வந்த யஷ்வந்த் மாலையில் பவானி ரோட்டில், அன்னை நகர் எதிரில் உள்ள காளிங்கராயன் வாய்க்காலில் நண்பர்களுடன் குளிக்க சென்றுள்ளார். நண்பர்களுடன் உற்சாக மிகுதியில் குளித்துக் கொண்டிருந்தபோது யஷ்வந்த் திடீரென நீரில் மூழ்கினார். அவருக்கு நீச்சல் தெரியாததால் தண்ணீரில் மூழ்கினார். இது பார்த்து அதிர்ச்சி அடைந்த உடன் வந்த நண்பர்கள் கூச்சலிட்டனர். இதையடுத்து அங்கு இருந்தவர்கள் வாய்க்காலில் இறங்கி யஷ்வந்தை தேடினார். பின்னர் சிறிது நேரத்தில் யஷ்வந்தை வாய்க்காலில் இருந்து மயங்கிய நிலையில் மீட்டு வெளியே கொண்டு வந்தனர். பின்னர் அவரை சிகிச்சைக்காக ஈரோடு அரசு தலைமை மருத்துவமனைக்கு கொண்டு சென்றனர். அங்கு அவரை பரிசோதித்த மருத்துவர், வரும் வழியிலேயே யஷ்வந்த் இறந்து விட்டதாக தெரிவித்தார். அவரது உடலை பார்த்து பெற்றோர் கதறி அழுதது சோகத்தை ஏற்படுத்தியது.
தமிழக குரல் இணையதள செய்தியாளர் செ.கோபால், ஈரோடு.
No comments:
Post a Comment