மொடக்குறிச்சி எம்.எல்.ஏ வை சந்தித்து வாழ்த்து பெற்ற ஃப்ளோர் பந்து வீரர்கள்.

தேசிய அளவிலான 16ஆம் இந்தியன் ஃப்ளோர் பந்து சாம்பியன்ஷிப் விளையாட்டுப் போட்டிகள் ஆனது சென்னையில் உள்ள தமிழ்நாடு விளையாட்டு பல்கலைக்கழகத்தில் தமிழ்நாடு ஃப்ளோர் பந்து சங்கம் நடத்தியது. இப்போட்டியில் கலந்து கொண்டு வெற்றி பெற்ற வீரர், வீராங்கனைகள்  மொடக்குறிச்சி சட்டமன்ற உறுப்பினர் டாக்டர் சி. சரஸ்வதி  நேரில் சந்தித்து வாழ்த்துக்களை பெற்றனர்.

தமிழ்நாடு அணி சார்பாக ஈரோடு மாவட்டத்தில் அரசு மற்றும் தனியார் பள்ளிகளில் இருந்து 15 வீரர், வீராங்கனைகள் கலந்து கொண்டார்கள். 12 வயதிற்கு உட்பட்ட ஆண்கள் மற்றும் பெண்கள் பிரிவில் முதலிடம் பிடித்தனர். 17 வயதிற்குட்பட்ட ஆண்கள் அணியில் இரண்டாம் இடமும், பெண்கள் அணியில் மூன்றாம் இடமும் பிடித்து அனைத்து பிரிவுகளிலும் வெற்றி பெற்றனர். வெற்றி பெற்ற மாணவ மாணவிகளுக்கு பரிசு கோப்பை, பதக்கங்கள் மற்றும் சான்றிதழ்களை தமிழ்நாடு விளையாட்டு பல்கலைக்கழகத்தின் துணைவேந்தர் டாக்டர். சுந்தர்  வழங்கினார்கள்.

நிகழ்வில் ஈரோடு தெற்கு மாவட்ட பாரதிய ஜனதா கட்சியின் விளையாட்டு மற்றும் திறன் மேம்பாட்டு அணியின் மாவட்ட தலைவர் ஐயப்பன், அறம் அறக்கட்டளையின் நிர்வாக இயக்குனர் திருமதி. கிருத்திகா சிவ்குமார், ஈரோடு மாவட்ட ஃப்ளோர் பந்து சங்கத்தின் மாவட்ட செயலாளர் தேவகாந்தன், ஒருங்கிணைப்பாளர் இளையராஜா, பாரதிய ஜனதா கட்சியின் விவசாய அணி மாநில திட்ட பொறுப்பாளர் பாலகுமார் மற்றும் மாவட்ட பொறுப்பாளர் மதன் ஆகியோர் உடன் இருந்தனர்.