புதிய வளர்ச்சி திட்ட பணிகளை துவங்கி வைத்தார் அமைச்சர் மு.பெ. சாமிநாதன்.

ஈரோடு மாவட்டம், சென்னிமலை ஊராட்சி ஒன்றியத்திற்குட்பட்ட பசுவபட்டி மற்றும் எல்லைக்கிராமம் ஆகிய கிராம ஊராட்சி பகுதிகளில் ரூ.11.04 கோடி மதிப்பீட்டில் புதிய வளர்ச்சி திட்டப்பணிகளை கூடுதல் ஆட்சியர் (வளர்ச்சி) / திட்ட இயக்குநர் (மாவட்ட ஊரக வளர்ச்சி முகமை) மரு.நாரனாவ்ரே மனிஷ் சங்கர்ராவ் இஆப, அவர்கள் முன்னிலையில், செய்தித்துறை அமைச்சர் திரு.மு.பெ.சாமிநாதன் அவர்கள் இன்று (04.05.2023) துவக்கி வைத்து தெரிவிக்கையில், தமிழ்நாடு முதலமைச்சர் அவர்கள், தமிழக மக்களின் வளர்ச்சிக்காக எண்ணற்ற பல்வேறு வளர்ச்சி திட்டப்பணிகளை சிறப்புடன் செயல்படுத்தி வருகிறார்கள். குறிப்பாக மாண்புமிகு தமிழ்நாடு முதலமைச்சர் அவர்கள் தமிழ்நாட்டில் உள்ள மாநகராட்சிகள், நகராட்சிகள், பேரூராட்சிகள், ஊராட்சி ஒன்றியத்திற்குட்பட்ட கிராம ஊராட்சிகள் ஆகிய பகுதிகளைச் சார்ந்த பொது மக்களின் அடிப்படை தேவைகளை முழுமையாக நிறைவேற்றிட அறிவுறுத்தியுள்ளார்கள். 

அதன்படி, இன்றைய திளம் (04.05.2023) காங்கேயம் சட்டமன்ற தொகுதிக்குட்பட்ட சென்னிமலை ஊராட்சி ஒன்றியம், நெடுஞ்சாலைத்துறையின் (நபார்டு மற்றும் கிராமசாலைகள் கோட்டம்) சார்பில் பகவபட்டி ஊராட்சியில் ரூ.4.66 கோடி மதிப்பீட்டில் பூச்சக்காட்டுவலசு சாலை முதல் ஒட்டவலசு இணைப்பு சாலை வரையிலான சாலையினை மேம்படுத்தும் பணியும் மற்றும் எல்லைக்கிராமம் ஊராட்சியில் ரூ.6.38 கோடி மதிப்பீட்டில் புதுப்பாளையம் நொய்யல் சாலை முதல் பொன்னம்குட்டை சாலை (வழி) மேட்டூர் இளைகுமாரபாளையம் சாலை வரையிலான சாலையினை மேம்படுத்தும் பணி என மொத்தம் ரூ.11.04 கோடி மதிப்பீட்டில் புதிய திட்டப்பணிகள் துவக்கி வைக்கப்பட்டுள்ளது. மேற்கொள்ளும் பணிகளை பொதுமக்கள் பயன்பாட்டிற்கு விரைவாக கொண்டு வர வேண்டுமென தொடர்புடைய அலுவலர்களுக்கு அறிவுறுத்தப்பட்டுள்ளது. என தெரிவித்தார்.

இந்நிகழ்ச்சியில் திருப்பூர் மாநராட்சி 4-ம் மண்டல குழுத் தலைவர் நெடுஞ்சாலைத்துறை உதவி கோட்டப் பொறியாளர் திரு.சிவராஜ், உதவி பொறியாளர் திருமதி,அன்பரசி, சென்னிமலை ஊராட்சி ஒன்றிய பெருந்தலைவர் திருமதி.காயத்திரி இளங்கோ, சென்னிமலை பேரூராட்சித் தலைவர் திருமதி ஸ்ரீதேவி, பெருந்துறை வட்டாட்சியர் (பொ) திருமதி.அமுதா, சென்னிமலை வட்டார வளர்ச்சி அலுவலர்கள், உள்ளாட்சி அமைப்பு பிரதிநிதிகள், கூட்டுறவு சங்க பிரதிநிதிகள், அரசு அலுவலர்கள் மற்றும் பலர் கலந்து கொண்டனர்.