ஈரோட்டில் வேளாங்கண்ணி மாதா தேர் பவனி :

இயேசு கிறிஸ்துவின் தாய் அன்னை மரியாள் பிறந்த நாள் ஆண்டுதோறும் செப்டம்பர் மாதம் 8 - ந் தேதி கொண்டாடப்படுகிறது . தமிழகத்தில் வேளாங்கண்ணி மாதா திருவிழாவாக கொண்டாடப்பட்டு வருகிறது .

 இதையொட்டி ஈரோடு புனித அமல அன்னை ஆலயத்தில் மாதாவின் பிறப்பு திருவிழா ஆலய பங்குத்தந்தையும் ஈரோடு மறை வட்ட முதன்மை குருவுமான ராயப்பன் தலைமனையில் நேற்று ( செப் .8 ) கொண்டாடப்பட்டது . விழாவில் ராமநாதபுரம் மாவட்டம் அஞ்சுக்கோட்டை ஆலய பங்குத்தந்தை கஸ்பார் கலந்து கொண்டு திருப்பலி ( பூஜை ) நிறைவேற்றினார் . மாதாவின் பிறந்தநாளை கொண்டாடும் வகையில் கேக் வெட்டப்பட்டு , அனைவருக்கும் வழங்கப்பட்டது . தொடர்ந்து வேளாங்கண்ணி மாதா வேண்டுதல் தேர்பவனி நடந்தது . பக்தர்கள் வேளாங்கண்ணி மாதா சொரூபத்தை ( சிலை ) தோளில் சுமந்து ஆலயத்தை 3 முறை வலம் வந்தனர் . உதவிப்பங்குத்தந்தை லூர்து அமிர்தராஜ் உள்பட ஏராளமானவர்கள் கலந்து கொண்டனர்.

தமிழக குரல் இணையதள செய்தியாளர்  செ.கோபால், ஈரோடு.