ஈரோட்டில் தமிழ்நாடு அரசு அனைத்துத் துறை ஓய்வூதியர் சங்கம் சார்பில் கோரிக்கை ஆர்ப்பாட்டம் நடைபெற்றது

தமிழ்நாடு அரசு அனைத்துத்துறை ஓய்வூதியர் சங்கம் மாநிலம் தழுவிய கோரிக்கை ஆர்ப்பாட்டம்  நடத்தினர் , அதைத்தொடர்ந்து ஈரோடு மாவட்டம் ஈரோடு வட்டாட்சியர் அலுவலக வளாகத்தில் (20/09/2022) செவ்வாய்க்கிழமை காலை 10.30 மணியளவில் தமிழ்நாடு அரசு அனைத்துத்துறை ஊழியர் சங்கம் சார்பில் ஈரோட்டில் கோரிக்கை ஆர்ப்பாட்டம் நடைபெற்றது.

இந்த ஆர்ப்பாட்டத்தை பின்வரும் கோரிக்கை விடுக்கப்பட்டது.

• (01/01/2022) முதல் (30/06/2022) முடிய வழங்கப்படவேண்டிய 3% அகவிலைப்படி நிலுவைத் தொகை ரொக்கமாக வழங்கிட வேண்டும். 
• புதிய மருத்துவக் காப்பீடு திட்டத்திற்கான சந்தா தொகை ரூ 497/- ஆக உயர்த்தப்பட்டதை கைவிடவேண்டும்.
• தேர்தல் அறிக்கையில் தெரிவிக்கப்பட்ட வாக்குறுதியின்படி 70 வயதினை கடந்த ஓய்வூதியதாரர்களுக்கு கூடுதலாக 10% ஓய்வூதியம் வழங்கிட வேண்டும்.
• பழைய ஓய்வூதியத் திட்டத்தை மீண்டும் அமுல்படுத்திட வேண்டும்.
• குறைந்தபட்ச ஓய்வூதியமாக ரூ 7850/- அனைவருக்கும் வழங்கிட வேண்டும்.
• ரயிலில் பயணிகளின் மூத்த குடிமக்களுக்கு நிறுத்தி வைக்கப்பட்டுள்ள ரயில் பயண கட்டண சலுகையினை ஒன்றிய அரசு உடனடியாக வழங்கிட வேண்டும்.
• பணிநிறைவு நாள் தற்காலிக பணிநீக்கம் செய்யும் நடவடிக்கையை கைவிட வேண்டும். 

என்று 7 கோரிக்கைகளை முன்வைத்து ஈரோட்டில் தமிழ்நாடு அரசு  அனைத்துத் துறை ஓய்வூதியர் சங்கம்  மாநிலம் தழுவிய கோரிக்கை ஆர்ப்பாட்டம் நடைபெற்றது.

இந்த ஆர்ப்பாட்டத்தில் தலைமை தோழர் எஸ் சங்கரன் மாவட்டத் தலைவர், TNGPA, ஆர்ப்பாட்டத்தின் முன்னிலை மாவட்ட துணைத்தலைவர்கள்: தோழர்கள் ஜி ஹரிதாஸ், பி.ஆறுமுகம், பி எஸ் பிரசன்னா, எம்ஜிஆர் சுப்பிரமணியம், மாவட்ட இணைச் செயலாளர்கள், மாநில செயற்குழு உறுப்பினர்கள் , மாவட்ட செயலாளர்கள் மற்றும் மாவட்ட பொருளாளர் பலரும் இந்த ஆர்ப்பாட்டத்தில் கலந்துகொண்டனர்.

 

- தமிழக குரல் செய்திகளுக்காக ஈரோடு செய்தியாளர் ச.சக்திவேல் மற்றும் ஒளிப்பதிவாளர் பி. சிலம்பரசன்.