ஈரோடு நகரில் கனகர வாகனங்கள் நுழைய அதிரடி தடை !

ஈரோடு நகரில் போக்குவரத்து நெரிசலை குறைப்பதற்காக காலை , மாலை நேரங்களில் கனரக வாகனங்கள் வருவதற்கு தடை விதிக்கப்பட்டுள்ளது . ஈரோடு நகரில் இருந்து சேலம் , நாமக்கல் , கரூர் , திருச்சி , கோவை , திருப்பூர் , நீலகிரி உள்ளிட்ட பல்வேறு மாவட்டங்களுக்கு சென்று வரும் சாலையில் காலை முதல் மாலை வரை வாகன நெரிசல் அதிகரித்து காணப்படுகிறது . மேலும் பல்வேறு மாவட்டங்களில் இருந்து ஈரோடு நகர் மையப்பகுதி வழியாக கனகர வாகனங்கள் வந்து செல்வதால் ஈரோடு நகரில் பல்வேறு இடங்களில் கடும் போக்குவரத்து பாதிப்பு ஏற்பட்டுள்ளது . இந்த போக்குவரத்து நெரிசல் காரணமாக காலை , மாலையில் வேலைக்கு செல்வோரும் , பள்ளி , கல்லூரி செல்லும் மாணவர்களும் கடும் சிரமத்திற்கு ஆளாகின்றனர் . இதனை தடுக்கும் வகையில் கனரக வாகனங்கள் காலை மற்றும் மாலை நேரத்தில் குறிப்பிட்ட நேரத்தில் நகரில் உள்ளே வர அனுமதி மறுக்கப்பட்டுள்ளது . காவல்துறையின் எச்சரிக்கையையும் மீறி கனரக வாகனங்கள் அனுமதிக்கப்பட்ட நேரத்திற்கும் முன்பாக நகர பகுதிக்குள் வந்தால் அபராதம் விதிப்பதுடன் கடும் நடவடிக்கை எடுக்கப்படும் என போக்குவரத்து காவல் துறையின் சார்பில் எச்சரிக்கை விடுக்கப்பட்டுள்ளது.

தமிழக குரல் இணையதள செய்தியாளர்  செ.கோபால், ஈரோடு.