தண்ணீரில் கிடந்த ஆண் சடலம்: பரபரப்பு :

காவிரிபாளையம் வழியாக செல்லும் கீழ்பவானி வாய்க்கால் பாலம் பகுதியில் தண்ணீரில் ஆண் பிணம் கிடந்தது. இதை பார்த்த அந்த வழியாக சென்றவர்கள் உடனே இதுகுறித்து சிறுவலூர் போலீசாருக்கு தகவல் கொடுத்தனர். அதன்பேரில் போலீசார் சம்பவ இடத்துக்கு விரைந்து சென்று பிணத்தை பார்வையிட்டனர். பின்னர் பிணத்தை கைப்பற்றி பிரேத பரிசோதனைக்காக கோபி அரசு ஆஸ்பத்திரிக்கு அனுப்பி வைத்தனர். மேலும் இதுகுறித்து போலீசார் விசாரணை நடத்தினர். பிணமாக கிடந்தவருக்கு 35 வயது முதல் 40 வயது இருக்கும். அவரது நெஞ்சில் "ஓம் சக்தி" என பச்சை குத்தப்பட்டுள்ளது. ஆனால் அவர் யார்? எந்த ஊரை சேர்ந்தவர்? எப்படி உயிரிழந்தார்? என்ற விவரங்கள் தெரியவில்லை. இதுகுறித்து சிறுவலூர் கிராம நிர்வாக அலுவலர் சங்கர் சிறுவலூர் போலீஸ் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.

தமிழக குரல் இணையதள செய்தியாளர் ம.குமார், பவானி தாலுக்கா.