விசைத்தறி கூடங்களில் முதல்வர் ஆய்வு :

ஈரோட்டில் விசைத்தறி கூடங்களில் ஆய்வு மேற்கொண்டு, நெசவாளர்களின் தேவைகள் குறித்து கேட்டறிந்த முதல்வர் ஈரோட்டில் செயல்பட்டு வரும் விசைத்தறி கூடங்களை தமிழ்நாடு முதலமைச்சர் மு.க. ஸ்டாலின் நேரில் சென்று பார்வையிட்டு, நெசவாளர்களின் தேவைகள் குறித்து கேட்டறிந்தார்.

தமிழ்நாட்டில் விசைத்தறி தொழிலில் ஈடுபட்டுள்ள விசைத்தறி நெசவாளர்கள் மற்றும் தொழிலாளர்களின் வாழ்க்கைத் தரத்தை மேம்படுத்தவே விசைத்தறி நெசவாளர்களுக்கு விலையில்லா மற்றும் மானியத்துடன் கூடிய மின்சாரம் வழங்கும் திட்டத்தின் கீழ், 750 அலகுகள் வரை வழங்கப்பட்டு வந்த விலையில்லா மின்சாரம் கடந்த 2023ம் ஆண்டு மார்ச் மாதம் 3ம் தேதி முதல் 1,000 அலகுகளாக உயர்த்தி வழங்கப்பட்டு வருகிறது.

மின்னணு விசைப்பலகைகள் உற்பத்தியின் போது நூல்கள் அறுந்து விழுவதை தடுக்கவும், சாதாரண விசைத்தறிகளில் சீராகவும் மற்றும் நிலையான தரத்துடனும் துணிகள் உற்பத்தி செய்யப்படுவதை உறுதிப்படுத்தவும் 50 விழுக்காடு அரசு மானியத்துடன் 5,000 விசைத்தறியில் மின்னணு விசைப்பலகைகள் நிறுவப்படும் என்று அறிவிக்கப்பட்டு, 6 கோடி ரூபாய் அரசால் ஒதுக்கப்பட்டு, விசைத்தறி செறிவு மிக்க பகுதிகளில் 5,000 விசைத்தறிகளில் மின்னணு விசைப்பலகைகள் பொருத்தப்பட்டது போன்ற பல்வேறு திட்டங்களை அரசு செயல்படுத்தி வருகிறது.

தமிழக குரல் இணையதள செய்தியாளர் ம.சந்தானம், ஈரோடு.